21. julī ar plašu pasuokumu programu gostūs gaideis Rēzeknis nūvods, kur Ančupānu kartodromā byus vysaiduokys nūtikšonys – amatnīku tierdzeņš i radūšuos darbneicys, īlu basketbola saceņseibys, koncerti ar bārnu, jaunīšu i tautys muokslys kolektivu daleibu, taipat vītejūs nūvoda i cytu Latvejis muokslenīku izastuošonys.

Rēzeknis nūvoda dīnys programa:

12:00 Amatnīku tierdzeņš, īlu basketbola saceņseibys, radūšuos darbneicys
12:00 Rakstnīka Juoņa Klīdzieja pīminis pasuokums „Guojputnu dzīsme” – pīminis akmiņs atkluošona Kantinīku kopūs i pīminis pasuokums Franča Trasuna muzejā „Kolnasāta”.
14:00 – 15:30 Bārnu i jaunīšu muokslenīcyskuos pašdarbeibys koncerts. Pīadaleis Amanda Bašmakova – konkursa Bolsa pavielnīks 2011 izvarātuoja i Bārnu Eirovizeja 2011 dalineica.
15;30 – 16:30 „Zynu, zynu tāva sātu” – nūvoda folklorys ansambļu sasadzīduošona
17:00 – 18:00 Profesionaluos muzykys koncerts. Izastuos grupa Xylem trio ar koncertprogramu Shadows of wood. Tī ir treis pazeistami Latvejis muziki, kuru golvonuo ideja ir apvīnuot unikalū tausteņinstrumentu, saksofona i marimbys/perkuseju skaniejumu. Koncertu caurstruovuos pasauļa i kinu muzyka ar akademiskuos muzykys akcentim i džeza improvizacejom.
18:00 – 20:00 „Dzīžam i doncojam sovam nūvodam” – Rēzeknis nūvoda i uorvaļstu sadraudzeibys piļsātu tautys muokslys kolektivu koncerts, saimu sveikšona, Puncuļu saimis muzykals sveicīņs.
20:00 – 23:00 Vokora svātku koncerts. Pīsadola Aija Andrejeva, Kaža (Kārlis Būmeisters), bruoli Atis i Juoņs Auzāni, grupa „Borowa MC”.
23:00 – 5:00 Nakts koncerts i bals ar grupom „Labvēlīgais tips”, „Galaktika” i c.

Iz vysim pasuokumim īeja ir bez moksys!

Karteņā – Rēzeknis nūvoda dīnu 2011 pasuokums