Rokstu sagataveja: portals lakuga.lv

19. marta naktī myužeibā nūguojuse Ilma Šteinberga (1962-2024) – ilggadeja Latvejis Muokslys akademejis Latgolys filialis vadeituoja i Rēzeknis Muokslys i dizaina vydsškolys direktore nu 2021. da 2023. goda, viestej Latgolys muzykys i muokslys školys paziņuojums Facebook.

Ilma Šteinberga dzymuse 1962. gods 28. augustā Preiļu rajonā. Absolvējuse Viļānu vydsškolu, Rēzeknis Lītiškuos muokslys vydsškolu, Latvejis Muokslys akademeju, Līpuojis Pedagogejis akademeju i Latvejis Universitatis magistranturu. Sovu dzeivi veļtejuse izgleiteibys i kulturys atteisteibai Rēzeknē.

“Ilma beja i ir nūzeimeigs cylvāks daudzu dzeivēs i liktiņūs. Juos īinteresieteiba ciļvieciskajūs liktiņūs, goreigais smolkums, leidzjiuteiba i gūdapruots atstuoja īspaidu saimē, studentūs, kolegūs i draugūs. Mums pītryuks juos smaideigūs ocu, mums pītryuks Ilmys gribiešonys iz reizis paleidzēt na tik ar vuordim, tok ari ar dorbim. Mums pītryuks prīcys byut kūpā ar jū,” raksteits Latgolys muzykys i muokslys školys paziņuojumā.

Atsavadeišona nu Ilmys Šteinbergys nūtiks 23. martā 10.00 stuņdēs Reigys krematorejis Lelajā zālē. Pīminis pasuokums nūtiks Latvejis Muokslys akademejis jaunajā korpusā (Kalpaka buļvars 13, Reiga) 12.00 stuņdēs.

Leidzjiuteiba Ilmys Šteinbergys tyvajim, draugim, kolegim i audzieknim.