Rokstu sagataveja: portals lakuga.lv

Kulturys īsacejumus Zīmyssvātku nedeļai sagatavejuši Ārdavys muižys saiminīki Maija i Džeimejs. “Mes piec vareibys raugom īsasaisteit Latgolys kulturys dzeivē, i itymā pyrmssvātku laikā aktivi plānojam kulturys pasuokumus muižā cytam godam, kab radeitu vareibu saimem, draugim i kolegim sasatikt kai kasdīnā, tai svātkūs. Mes prīcojamēs par vītom i pasuokumim, kur var īsasaisteit kotrys, eipaši, kod mes pasuokumūs dzieržam dažaidys volūdys, sasateikam ar dažaidom kulturom i redzim, kai kūpīna sasateik i atdzeivynoj vītu. Myus uzrunoj cylvāki, kuri dag par sovu dorbu, reikojūt pasuokumus i nūtikšonys. Mes nasakautrejam īsaceit vītys i pasuokumus, kur jiutomēs labi i gaideiti. Mes raugom sekuot leidza lobim pīmārim i vuiceitīs nu klaidu. Ārdavys muiža atsarūn storp trejom breineigom piļsātom – Rēzekni, Daugovpili i Preilim –, i itymā nedeļā īsokom kulturys aktivitatis taišni tī,” tai muižys saiminīki.

Gastej Rēzeknē

Rēzeknē 26. decembrī iz Latgolys viestnīceibys “Gors” skotivis ar svātku izruodi “Riekstkodis” uzastuos “Sofia Festival Ballet” zvaigznis. Vysi teik aicynuoti izbaudeit Zīmyssvātku burveibys atmosferu i klasiskuos horeografejis skaistumu. Ruodīs, ka tei myus kotru atgrīzs bērneibā, aicynojūt ticēt breinumim i tam, ka vysod uzvar lobais i mīleiba!

Naaizmierstit aizīt iz “KUUP” kopeja konceptveikalu, kab izgaršuotu Zīmyssvātku garšys, kai ari izmontuotu vareibu radeit prīcu sev i sovim tyvajim ar duovonom svātkūs.

Gastej Daugovpilī

Daugovpilī 28. i 29. decembrī Daugovpiļs teatris ir sagatavejs skaistom melodejom, vātrainom emocejom i spylgtom etidem pylnu Jaungoda koncertu, kas izbūrs svātku sajiutu lobuokajuos teatra koncertu tradicejuos! Ituo gods koncertprogramā īkļautys skaistuokuos dzīsmis nu repertuara izruožu i pasauļa hiti. Koncertā pīsadaleis teatra dzīdūšī akteri i jūs draugi, programu papyldynuos dejis i cyrka muokslys prīšknasumi. Īsokom ari atrast laiku, kab nūgiutu Zīmyssvātku sajiutu WakeCup kopejneicā, nūgaršojūt kaidu nu Zīmyssvātku dzierīnim.

Gastej Preiļūs

Preiļūs itamā Zīmyssvātku nedeļā – 27. decembrī – vysi teik aicynuoti iz lelū goda balli “Safari nakts” Preiļu kulturys nomā kūpā ar akteri Gundaru Silakaktiņu. Svātku nūskaņuos varēs izbaudeit ari kokteiļu bāra nu Aglyunys “Terase Egle” gataveitūs kokteiļus. Jemit leidza draugus – byus korsts!