Mes, Latgolys muzykys grupys (Dabasu Durovys, Bez PVN, Likteneigais pagrīzīņs iz Vainovu, Inde Indive, D-Light, New Buzz, Green Novice, Laimas Muzykanti i c.), skaitam, ka 2 godu cītuma struope grupai “Pussy Riot” (Krīvejā) ir par borgu i nav adekvata jūs puorkuopumam. Grupa “Pussy Riot”, piec myusu dūmom, par sovu politiskū protestu sajam navys taisneigu tīsu, bet gon politisku izariekinuošonu.

Respektejūt i pījamūt Krīvejis politiskuos eipatneibys i varys īstuožu centīņus saglobuot kontroli puor ļaudim, muokslenīkim i sabīdreibu kūpumā, izmontojūt paraugpravu kai ībīdiešonys taktikys elementu, aicynojam vys tik respektēt jaunuos sīvītis, nasaškodēt jom dzeivi, naatjimt bārnam muoti i nainterpretēt parostu huliganismu kai beistamu kriminalu nūzīgumu. Taipat aicynojam bazneicys golvu pīsavīnuot vasaluo sapruota bolsam, aizlyudzūt par nalaimeigajom griecineicom, pīdūdūt jom.

Vaira informacejis par “Pussy Riot”, vēļ Latvejis muziķu vīdūkli verīs ITE

Karteņā krīvu feministu pank-roka grupa “Pussy Riot”, nu škārsteikla enciklopedejis Wikipedia, foto Igors Mukhins