Eleonorys Pastaris izstuode “Dialogs”
When:
06/09/2024 all-day
2024-09-06T00:00:00+03:00
2024-09-07T00:00:00+03:00
Where:
Leivuona stykla i amatnīceibys centrs
Nu 19. juļa da 6. septembra Leivuona stykla un amatnīceibys centrā apsaverama Eleonorys Pastaris personalizstuode “Dialogs”.
Muokslineica Eleonora Pastare struodoj ar muolu, šamotu i cytim keramikys materialim, bet muokslineicys radeitī porcelana dorbi paruoda sīviškeiguma i spāka manifestaceju keramikys muokslā.
Muokslineica Eleonora Pastare ir leivuonīte. Absolvējuse Rēzeknis Lītiškuos muokslys vydsškolys Keramikys nūdaļu. Daugovpiļs Universitatē dabuojuse bakalaura gradu pedagogejā i magistra profesionalū gradu muokslā. Nu 1977. goda muokslineica aktivai pīsadola izstuodēs, keramikys simpozejūs i cytūs muokslys projektūs Latvejā i uorvaļstīs. Reikuojuse vairuokys personalizstuodis Leivuonā, Daugovpilī, Reigā, Valmīrā, Jelgovā i Veipā. 2009. godā konkursā- izstuodē Japuonā sajāmuse atzineibys rokstu par dorbu “Sniega ziedi”. Eleonorai Pastarei ir lela pīredze pedagogiskajā dorbā – vaira nakai 20 godu muokslineica vuicejuse bārnim īpazeit keramikys pasauli Leivuona muokslys školā, Saulis školā Daugovpilī i Leivuona bārnu i jaunīšu centrā.
