Koncertā pīsadaleis goreigūs dzīduojumu meistarklasis daleibnīki, pūļu sīvīšu kors “Jutrzenka”, Rēzeknis Vaļsts pūļu gimnazejis kors, Rēzeknis Vyssvātuos Dīvdzemdātuojis pareizticeigūs bazneicys kors, bārnu i jaunīšu folklorys ansamblis “Zdravinka”, vacticeibnīku tradiceju ansamblis “Sretenije”.

Nu 18. da 20.oktobra Rēzeknē nūtiks goreigūs dzīduojumu meistarklase “Mes dabasu Vaļdneicai dzīdim – Królowej Anielskiej śpiewajmy”, kurū organizej Latvejis Pūļu savīneibys Rēzeknis nūdaļa ar Rēzeknis Nacionalūs bīdreibu kulturys noma atbolstu. Meistarklasi vadeis kordirigents nu Pūlejis Pavels Bembeneks i dorbs tiks veļteits goreigūs dzīduojumu repertuaram latvīšu, latgalīšu i pūļu volūduos. Koncertā skanēs vysaidu konfeseju goreigī dzīduojumi – katuoļu, vacticeibnīku i pareizticeigūs.