Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko muzejā reizē rezidēs ostoni muokslinīki nu Čehejis, Pūlejis, Leitovys i Latvejis. Latveju rezidencē puorstuovēs Daugovpiļs muokslinīki Mairita Folkmane i Oskars Jansons.

Rezidence paradz muokslinīku rodūšū dorbu i komunikaceju par vīnleidzeibu dzeivē, sabīdreibā i dorba vidē. Asūt vīnuotim daudzveideibā, gleznīceibys volūdā teik izsaceita nūstuoja i sajiutys par realitati, kur muoksla ir i izteiksme, i instruments.

Muokslinīki fiksej sovus īspaidus kompozicejuos, kurys nūslāgumā tiks nūdūtys skateituojim kūpeigā izstuodē. Augustā muokslys dorbi tiks reproducāti i pīlāguoti izvītuošonai Daugovpiļs cītūkšņa uortelpā.

Īīšona izstuodis atkluošonā bez moksys.