Daugovpilī dzymušais muokslinīks Solomons Geršovs ir vīns nu legendaruokūs i naparostuokūs avangarda meistaru, kuram pīmeit ekspresionistisks i iz reizis atpazeistams, unikals rūkroksts. Juo dorbūs parosti radzamys ainovys, portreti i Beibelis sižeti. Rotko muzeja izstuodē muokslinīks ar sovu dailradi “atsagrīž” dzymtajā sātā, apmaklātuojim pīduovojūt dorbu kolekceju, kas aptver ebreju tautys liktini.

Gertrūdis Zeilis dorbu vydā dominej figuraluos kompozicejis i portreti, tematu lūkā vysubīžuok pasaruoda zeme, cylvāks i muoksla. Zeme kai pīdareiba dzymtajai Latgolai i pasauļa telpai kūpumā. Cylvāks kai sovejais i svešais, ar sovom tradicejom i dzeivis kuorteibu. Muoksla kai dūmuošonys veids, kas izsaceits kruosu laukumūs i ūtys rokstā, pauž autorei svareigū, pošys puordzeivuojumus i atkluosmis.

Nu 5. novembra da 30. novembra Latgolys Centralajā bibliotekā (Reigys īlā 22a, Daugovpilī) byus apsaverama fotokluba “Ezerzeme F” jaunuokuo fotografeju izstuode “Logi”. Tamā sovu unikalū redzīni iz lūgim skateituojim pīduovoj fotografi Linards Onzuls, Svetlana Pokule, Juris Buklovskis, Inese Minova, Diāna Jakimčuka, Ņina Škļar, Inese Norkārkle i Ivars Soikāns.