Kalenders
Folklorys kūpys “Grodi” i folklorys pietnīka Aigars Lielbārža koncertpietejuma “Dzagiuze – tautys prīškstotūs i dzīsmēs” prezentaceja Daugovpilī.
Koncertā “Grodu” izpiļdeituos dzagiuzis dzīsmis meisīs ar pietnīka Aigara Lielbārža komentarim par dzagiuzis simboliku, prīškstotim folklorā i dzīšmu sovpateibom.
Īīšona bez moksys.
Andris Keišs: “Jau divdesmit ostoitū godu es i iz skotivis, i kameru prīškā izdzeivoju svešys dzeivis. Tys aizjam lelu daļu munys dzeivis. Ka vokorūs, izruožu laikā, tuos svešuos dzeivis teik dzeivuotys, tod nu reitu mieginuojumūs svešuos dzeivis teik analizātys.
Gribīs iz šaļti nūstuot i, kā Ojārs Vācietis saceja, “izliduot kai bitei” cauri tam, kas jau aiz mugorys. Cauri sovai dzeivei. Paļdis Dīvam, vyss da ituo ir prīcys i maiguma pylns.
Es zynu, ka mani sagaida daudzi prīcys, draudzeibys i atkluosmu ari iz prīšku, tok gribīs pīfiksēt paguojušū, kab napagaist.”
Jubilejis izruodēs kūpā ar Andri Keišu iz skotivis byus pianists Romāns Vendiņš, gitarists Jānis Kalniņš i itei byus debeja akordeonistam Ādamam Keišam.
