28. martā muzykys i dramys telpā “OratoriO” nūtiks Latvejis medeju volūdys bolvys laureatu apbolvuošonys ceremoneja, kū reikoj Nacionaluo elektroniskūs plošsazinis leidzekļu padūme (NEPLP) i Vaļsts volūdys centrys (VVC).

Akcejis mierkis ir nūsaceit, izviertēt i apbolvuot elektroniskūs plošsazinis leidzekļu raidejumu vadeituojus i veiduotuojus, kurī lītoj pareizu i boguotu latvīšu volūdu, kai ari periodiskuos presis izdavumus i škārsteikla ziņu portalus, kurūs lītuota kvalitativa latvīšu volūda.

Ceremonejā tiks apbolvuoti divpadsmit akcejis laureati, deveni veicynuošonys bolvys sajiemieji i vīns akcejis simpateju bolvys sajiemiejs. Pyrmū reizi tiks padūta ari bolva par myuža īguļdejumu.