Latgolys Kulturviesturis muzejā Rēzeknē nu 2025. gods 10. janvara byus apsaverama izstuode “Robežu difūzija” ar ostoņu muokslinīku dorbu izlasi nu Rotko muzeja gleznīceibys kolekcejis.

Laikā, kod teik puorsavārtys muzeju funkcejis i puorvārtāts muzeju kruojumūs asūšais kulturys montuojums, atmiņu institucejis vys vaira pylda socialū lūmu i palīk par platformu diskusejai par sabīdreibai aktualim vaicuojumim. Tūs vydā ir ari fiziskūs i simboliskūs rūbežu nūtureiba, kurū irdynoj myusu dīnu geopolitiskī, socialekonomiskī i vidis procesi. Tūs ītekmē puorsamej uzskoti i vierteibys sabīdreibys i individa apziņā, rodūt jaunu redziejumu i pasauļa kuorteibys konstrukceju. Diskusejai par rūbežu napīcīšameibu i nūtureibu myusu dīnuos muokslys volūdā pīsavīnoj Rotko muzeja kruojuma izstuode “Robežu difūzija”, kurā apsaverami Eiropys, Zīmeļamerikys, Australejis i Āzejis muokslinīku dorbi nu muzeja gleznīceibys kolekcejis.

Izstuodis atkluošona gaidoma 10. janvarī 15.00 stuņdēs Latgoles Kultūrvēstures muzejā.

Izstuode apsaverama da 22. februara.