Vizualuos kulturys pietneicys Liānys Ivetis Žildis sarunys fokusā byus saskarsmis punkti storp Juoņa Gleizda kasdīnys fotolaboranta dorbu i rodūšū dzeivi kai gūdolgom boguotam meistaram plaukstūšajā Reigys fotoklubā. Obejis vidis vīnuoja sarežgeiti tehniskī eksperimenti i zynoma aizaraušona ar muoksleigū skaistumu. Gleizds i juo fotokluba kolegi beja calmlauži, kurūs veiduotī akti nūdrūsynuoja Latvejis fotomuokslys atpazeistameibu PSRS leiminī laikā, kod seksualitatis, baudys i kerminiskuma attāluojumi beja izslāgti nu publiskuos vidis. Vystik myusu dīnuos tī palykuši par sova veida “naārtū montuojumu”, kas demonstrej jau nūvacojūšus prīškstotus par dzimtis lūmom, pastotūt aktivū “meistaru” preteimā pasivajai “muzai”. Kū itī attāli stuosta par laiku, kod tī radeiti i kai tūs interpretēt šudiņ?