Daugovpilī dzymušais muokslinīks Solomons Geršovs ir vīns nu legendaruokūs i naparostuokūs avangarda meistaru, kuram pīmeit ekspresionistisks i iz reizis atpazeistams, unikals rūkroksts. Juo dorbūs parosti radzamys ainovys, portreti i Beibelis sižeti. Rotko muzeja izstuodē muokslinīks ar sovu dailradi “atsagrīž” dzymtajā sātā, apmaklātuojim pīduovojūt dorbu kolekceju, kas aptver ebreju tautys liktini.